بديت باسم الله إله البرايا

وعسى يلقّينا دروبن سميحه

ويا راكب الي من خيار المطايا

تباري الي في سماها مشيحه

من ساس هجنن كاملات الحلايا

عكيف كيفك بالمماشي مريحه

تلفي جزا قرمن كريم السجايا

أبيات شعري ما يطولن مديحه

سلّم عليه وبلغه بالتحايا

سلامن احلى من حليب المنيحه

حيثه وفي من صلب ناسن وفايا

وكل منهم بالوفا هب ريحه

مصاروه والنعم ماهي حكايا

أهل المكارم والفعال الصريحه

مثل الأسود بعاليات النبايا

صغيرهم بالسن يرمي نطيحه

كرام النفوس عن الدروب الدنايا

أهل العلوم الكاملات الرجيحه

وقل يا جزا رد الجزا من منايا

والمعذره إن كانت مهي فصيحه

أهديتنا يالقرم جزل الهدايا

جواهرن من فيض نبع القريحه

مشاعرن تروي الكباد الضمايا

وبلاسمن داوت القلوب الجريحه

والمدح منّك في جناب الحجايا

غاض القلوب الحاقدات المقيحه

ولك الثنا يا شوق صافي الثنايا

من كل حرن بالمسا والصبيحه

رداً على قصيدة الحجايا