اخس الصديق الي لا تضايقت خلاك

باعك خذا الثمن واشترابه

يومن طلبته انتخى وقال حياك

ويومن لزمته سكّر عليه بابه

سلم عليك وضمك للصدر واغراك

وما دريت ان سلاحه من ورا ثيابه

أشوفه يضحكلي ويهزلي بحناك

ومادري انه بوسط ظهري طعنة احرابه

طعنة صديق وبالظهر من ورا جاك

الله يا خنجر الظهر ما حسبت انا حسابه

قلت انت جناحي لا طرت أنخاك

لقيتك تقصص جناحي وتتسلابه

قلت انت سيفي بيوم الوغى يفداك

لقيتك خشب والدود ماكل اجنابه

كان ودي أطير يمناي فوق يمناك

وارفعك فوق فوق حد السحابه

لكن غدرت ودرتلي يا صاحبي مقفاك

وقعت انا مغدور خانه اصحابه

عطشان شفتك مثل ميه ورحت أبغاك

لقيتك وسط صحراي مثل السرابه

بعض الناس كبير لكن مثل رغيف شراك

ما يشبع صغيرن باوّل ادبابه

وش تفيد لا صار عالهاتف روحك وممشاك

الله من رجل هاتفن وداه وهاتفن جابه

الي يحبك صاح وسط الناس جيناك

والي يخونك راح صوّت كتابه

لا صارلك حاجتن مشيتلي وارحب بممشاك

كنك صاحب الحق ولك عندي طلابه

ولا صارلي حاجتن مشيتلك أرجاك

انتخيتلي يا شين نخوة كذابه

هذا مريضن وهذا متعاهدن مع ذاك

وهذا حالفن برب البيت وكتابه

وهذا مقاطعن وذاك مخاصمن وياك

وهذا كبيرن وذاك مدري وش جرابه

رجلن ورا ورجل قدام كنه معه مساك

من شكله تعرف خافي جوابه

يحلف يمين انه صديقك الي ما يوم خلاك

ويومن تجيله سحل مثل قوس الربابه

لا تحلف ترى فلان قدامي أنا عرّاك

يوم صوت بالعضو أمي وبالريّس كتابه

احذر صديقك يا صاحبي ميزه لا جاك

أما عدوك فانت يا صاحبي أدرابه

خلّك فطين واياك من البشر إيّاك

تراك عايشن في عصر كله ذيابه