قول ما تبغي تقوله وآنا بسمع في سكوت

بسمع ولكن فكري من تواصيفك شتات

وإن طرى لك تحكي بطاري المحبة في خفوت

قول حسبك واعرف إني صرت كلي لك سكات

يا حبيبي في كلامك يختلط عنبر بتوت

وإن تماديت بكلامك صاح هالعالم شكات

كل واحد في حبيبه يعتقد إنه يموت

ولو سمع نبرة كلامك ما انتظر لحظه ومات

اوجز الكلمة معاهم وإلا احكي دون صوت

بس معايه لو لزملي عيد كل كلمة مئات

انت بحري والمشاعر ماهي إلا مثل حوت

انت شهدك لو بشبهه ياخذ أصفى من الفرات

كنت في دنياي طاير عاليٍ بالبارشوت

مير حبك يوم جاني طحت كلي للحياة

انت في صحراي شربي وانت في صحراي قوت

انت في نومي حياتي وانت في صحوي سبات

هل ترى لو كنت أملك في الهوى حلماً نجوت ؟!

هل ترى ارهاب حبك لن يدمر في الجهات ؟!

انت قلبك لو تسافر للدول لا ما يفوت

يدفن الدولة بكبرها من شعب وإلا رعاة