الكون من بعدك جسورٍ وأنفاق

والحيرة اللي خلفيتي معايه

من يوم ما رحتي و ايدي للآفاق

عل و عسى ربي يجاوب دعايه

يا طهر يا عفه ترى الروح تشتاق

انتي من المولى على الأرض آيه

قالوا المطر / جاوبت همسات واحداق

ايام كنتي عالحشايه سمايه

واليوم رحتي للزمن بوس واعناق

ما كنك اللي البارحه في حشايه

مادام عذرك / الزمن يفرض فراق

بيكون عذري للزمن / النهايه

مادام حبيتك بعفه واخلاق

مفروض اواصل ما فرضه البدايه

روحي فمان الله لك الشوق أشواق

وإذا نوى قلبك يمازح سوايه

اتذكري قولي ترى الناس اعماق

وسلمي على قلبي / ودوني روايه