دام حبك مثل نار او مثل تفاحٍ فـ جنّه

وش بديّه لو شبيه ابليس يسكن في فؤادي

يفتح احزاني ويتوضأ ويتدارك بسنّه

لجل يدعي ابليس قلبك يصبح فليلي وسادي

الحزن مزن القلوب ومزن قلبي مشعلنّه

والمزح نزح الحزن لكن مزحك مو مرادي

في الصدر عندي سحاب وفي الضلوع يصب حنّه

وفي القليب 2000 نخله بينهم عشبٍ ووادي

منظر احساسك رهيب ومنظر احساسي كأنّه

السحب تمشي معاي وفي الفلك يدور شادي

اتركي مزحك وحزني وامسكي شعري وفنّه

يمكن اتقولين فن ويمكن اتقولين عادي

مو مهم لو خاب فكر الشاعر الهادي وظنّه

المهم تدرين انه في زمان اللين هادي

المهم تدرين قلبه يستحي لا جاك منّه

لا تنادين بفعوله بس بالاحساس نادي

انه الغادي في حبك وانه الباقي وانّه

شاعرٍ صادق وانه ابتدى فيك بمبادي

تورق ايامه سعاده لا درى تحكين عنّه

توقد اشعاره رماده لجل يبقى فيك غادي

الصعاب الموحشه والحلم والاقدام غنّه

والسهل والجهل والخذلان عافاهم وكادي

لا حروب الا الحروب اللي على نفسه يشنّه

ولا سلام الا سلامك وقت هتلر فيه بادي

القصايد صامته للهو والايمان رنّه

والمعاني المؤلمه في الصخر والحلم انقيادي