يامرحبا عد المطر عد الشجر عد الرمال

يامرحبا ببنت الشيوخ اللي تصون وصنتها

يامرحبا عد الكلام اللي يقال ومايقال

يامرحبا عد الخشوك اللي لعينك خنتها

يامرحباً الف اقلطي زينتلك صفر الدلال

جاتك دلال مهيله من ضحكتك زينتها

الطين طينك والنخل والبيت بيتك والحلال

وعيون تحسد جيتك بحقادها كفنتها

في ذمتي ياجيتك يا انها تسوى رجال

ثمنتها بغلا ثمن واخاف ماثمنتها

في ذمتي منتي مره في ذمتي انك هبال

تمشي وترفع راسها ام من انتي امها

فيها الزمان المتسخ تبقين للطيبه مثال

ولو ينتهي كل البياض انتي بياضك مانتها

اول ابحك بالعقل واليوم صرتيلي خبال

كنت اشربك قهوه ضيوف وتاليتها ادمنتها

ماخفت من نظرة حسد تنظر لوجهك بانفعال

قهر نون عيونها واهدابها جننتها

خوفي انا من نظرتي لو ناظرت لم الجمال

اخاف لحسد لوحتي وتروح مالونتها