لك يوم ياحارم عيوني من النوم

نفسي اشوفك تسهر الليل حسره

ليت الهوى في داخلك يشتعل يوم

ليتك تحس الوجد لو بس مره

كافي تعيش افراح واعيش مهموم

كفك بوسط الما وكفي بجمره

مدري الاقيها من الحكي واللوم

والا الاقيها من احضوض قشره

كنت احسبك من فرحة العمر مرحوم

لين اكتشفت انك بؤنس ومسره

حلفت قلت انك على الوصل محكوم

وانته حياتك مثل ماتريد حره

مومشكله كذبتك ياسيدي اليوم

المشكله وشلون اصدقك بكره