ماعاش من يغلط على سيد الاحباب

مااسمح لاحد يخطي على نور عيني

عن الغلط في نور عيني اذا غاب

الحكم فيه اقسى من الحكم فيني

باسباب والا ياجماعه بلا اسباب

تجريحكم لا جاه كنه يجيني

شوفوا حبيبي لا حكا اطياب

ماجاب طاريكم بزين وشيني

ياعاذلي ماللوفا غير الاعجاب

وش دخلك مابين عيني وبيني

سنين انا وياه والظن ماخاب

مديون له بالحب ياكبر ديني

مرات قلتوا صاحبك يعرف اصحاب

ومرات قلتوا صاحبك مايبيني

حكي الحسد مايوم ودا ولا جاب

ادري بكم في صاحبي حاسديني