يا علي سنتين ما ياني نبا

صاحبي ياخوك باع احلى السنين

المصيبه ما يبي قلبي سواه

ولا ترى الدنيا بها مليون زين

عشرتي سنين مافادت وياه

لا الغلا نافع ولا نافع حنين

ضاع عمري ياعلي اطلب رضاه

كم حببت ايده وبوست الجبين

الجفى نفسه يتعلم من جفاه

لو يلين الصخر خلي ما يلين

يا علي ذا الهم مكسبنا وراه

شايفين الظلم لاكن ساكتين

ان رويته حب يسقيني شقاه

ولا بغينا العون قال الله يعين

كنت اظني ساكن باقصى حشاه

كنت اظني بعين والعالم بعين