مكان مانرتاح فيه مانمشيل
واللى مايحس بداى مانشكيل
مانطربل
ولا احساب وافى بينا نحسبل
ولا من يفاخر بالجهل نقربل
تارك اللى وصى عليه خليل
وله مانعد صواب لا نسببل
ولا سيرته نجبد ولا ندويل
على سوحت ما انمر لا نتعبل
سلامات منه انسلموا بالحيل
على كل موجة امخالفه نركبل
وبكل مابرم معكوسهن نلويل
نعدوه كيف اللى فقيه جلبل
من يفهم الروحان فى تعليل
على غير شافى صورت كاتبل
واستعصت على كل الامور سبيل
اللى ما معاه لباق
واللى ما ايحس يكونها غراق
الدنيا قديمة موحشة معواق
يا ما خذت ما من اوجوه جليل
اللى ايشرفوا ويقدروا الرفاق
وجالوا ودالوا وعقبوا الاصيل
عليهم الدنيا ادموعها دفاق
بقيوا ذكر ماضى منحجب تاويل
وياسر اللى منها مشى باشواق
بعد اموال ضلوا تايهين عويل
والغافل اللى ينسى انها فراق
كيف قولتك نجفاه من تضليل
امعاك فى كلامك شوق من لقاق
يسيبوا الراحة او يرغبوا البديل
مانشقاب
ومن خاطرى رافض اردود جواب
ماهم رفق صادر مع القراب
ولا الراعية تبدن كما الهميل
ولا من خبير بنجمها وتراب
ينعد كيف من يجهل بنات كحيل
ولا من امنظم فى اردود جواب
يساويه من مبداه نصب او حيل
ولا من كريم او يذكروه اصحاب
ايصير كيف من وانس على الرذيل
اشاير عطينا ثابتات احساب
لى ناس فى عقلك الهم تجفيل
ولو يا الجيلانى اتوضح باب
وتحط نقطها فوق الحروف عديل
يستوفى الحديث او يحضروا طلاب
ومعاك ما انقصر والملام انشيل
اللى ما ايحس احساس
واللى ما ايفرق بين ذيل او راس
ناقص ولد ناقص ومنقاس
او له فى اخبار الناقصين عزيل
معاهم او بيهم صار منلاساس
مجلس ضنا للياش له تدخيل
الا مع لجواد ماينقاس
الفرق بينهم كى الخف والتثقيل
سعر الذهب مايستوى بنحاس
على الرغم ما فى لونهن تمثيل
خلك بعيد لا ترافق ضنى لنجاس
عطيبين ما عندك الهم تقبيل
عليهم انسدوا او نبعدوا لاباس
البعد خير من رفقت اوجوه بخيل
اسأل امجرب فى احوال الناس
على سيرهم يبدوا خراب العيل
ان حضروا امعانا نذكروا الخناس
مقطوع الرجاء منهم ابكل وسيل