بسم الله فى الكون الوسيع
نذكر فيه قسّام الارزاق
والثانى بالصلاة على اللى شفيع
نبى الله من جاء بلإرفاق
نذكر فيه ولأمره نطيع
يشملنى برحمته يوم المساق
يومٍ فيه ماينفع نفيع
ولاولدين ولاخوتٍ أشقاق
الا بالعمل من طايع ايطيع
احسابه جمع ينطق بالأعمال
بالمثقال فى الوزن الرفيع
الغالب فى مقاييس الاوثاق
عليه اشهود ما حجة اتضيع
اطرافه ينطقن سقم الباق
ايمين ايسار مرشومة اتذيع
عليك وليك منظومة اوراق
ان كان ذنوب ياخذ بالسريع
وان كان احسان فى الجنةارزاق
يسلب ثوب دنسه بالنطيع
ويلبس ملحرايير الالباق
شرابك غير معصور النفيع
مصفى عسل فى اكواب ارقاق
مقاتك لذة ماكيفه صنيع
فات الوصف من عندى اوفاق
ومساكن نظم ما ليها رديع
اعجوبة الآخرة فوق الالباق
عبير ارياحها منعش رفيع
جواهر وسطها همتت ابراق
انوار انوار فيهن ماتضيع
اطوار اطوار فى شبه الأسواق
جمال جمال من سيدى المنيع
الحور العين يبدنلك رفاق
هكى فاز من بدّر سريع
مع الابرار سوقر الإنطلاق
حالم صرت نايم فى البقيع
إلكم عاودت حلمى باشواق
إدعيلى يالسامع لك صنيع
جعنا انكون مصدوق الاصداق
وجعنا الكل ننجوا من الفجيع
لا صيراط لازفوت احراق
ان فات الذكر فى البيت الوسيع
وجنة خلد تشملنا ارفاق