وان كان تقدر لا طلب منك عازه

عطه الطلب تقدير لا يطوي الياس

واهم ميزه بالنفوس العزازه

والا ضعيف النفس ماهو على ساس

واظن مابه شخص مابه حزازه

يرضى على ناس ويزعل على ناس

ومن لا عرف قدر الشرف وامتيازه

هذاك لا يشعر ولا عنده أحساس

ضمير مايشعر عباره جنازه

مايجمعه بالمجتمع نبض الأنفاس

وصحبت ضعيف العقل مثل القزازه

مهما تداريها تكّسر وتنحاس

هذا ولو كل المساعي مجازه

ماصار بالدنيا موازين وقياس