يفهرسني عبير الشوق عنوانٍ لأشجاني

يذوّبني ف عنا قلبٍ عبث تطويك صفحاته

أحنّ و أحضن الذكرى إذا لون ( الوله ) جاني

يثرثر لي عن أحزانك .. و ليلٍ يرفض ْتباته

لثمني سحره الوردي وغايض لون مرجاني

كشف لي كيف سيف الفقد يبثّ سموم طعناته

سهرني لين رمش الليل تحايلني .. ترجّاني

أكحّل بالرضا عينه و أطيّر سرب بسماته

تحِدثني قناعاتي عن المذنب .. عن الجاني..

و أنا لجل الوله بصفح و بعذر سرّ غيباته

أبعذر غلطة احساسٍ تلعثم ما تهجّاني

و احاول أخمد ظنونٍ تجاهر لي بزلاته

ملكت بخارطة شعري .. بيوتي و كلّ فرجاني

و انا ما ني بقدّ الفقد و لاني حِمْل سكراته

ياخيّ شلون عنك أغيب و قلبك صار سجّاني ؟؟

بطفلٍ في وسط قلبي ربا يلعب بنبضاته ..