تكفى لاتزعل .. وخل قلبك كبير

هذي الدنيا ..تفاريق و وصال

وانت جيت اليوم .. متأخر كثير

تبغى حبي .. وصار لك صعب المنال

أدري عاشق وادري بوصوفك أمير

بس غيرك ما ترك لك ..أي مجال

حبني بجنون ... وخلاني أطير..!

من بعد ما كنت .. انا بغربه ليال

لو معه يرضيك .. نتفارق واحير

آنا مرضاها على ولاد الحلال !

انت تدري زين من حق العشير

يوفي لخله ..وذا تاج الجمال

بس انا أرجوك .. تبعد للأخير

خلني بظله ..ودور لك ظلال

بكرا تنسى .. والامل والله جدير

يجمعك باللي .. يرّويك الزلال

ما هو ذنبي وكل ما شفته يصير

ومنت أول من تفاجأ بالمحال!

لاتجي وتسأل وتندم فى الأ خير

عز نفسك وافهم حلول السؤال

انت جيت بوقت متاخر كثير؟

وانا متأسف على أياة حال