إذا كان الشكل همك وشكلي ماهو المطلوب
ترى عندك في همك حق لأن كلٍ وتفكيره
تقع لطيور ع الأشكال أما الناس بالأسلوب
وانتي كبيره في شكلك أما بعقلك صغيره
من اللي قال لك باني رضيت آصير لك محبوب
حتى تغيري بشكلي على الموضة وعلى غيره
أنا واحد يشرفني لبس الغترة ويا الثوب
واحس إني بلياهم .. فاقد أشيه كثيره
روحي ودوّري للي من شخصيّته مسلوب
رخم ما خلى من ضعفه أبد لرجولته ِغيره
أما آنه مثل ما آنه مسّلم شكلي للمكتوب
مئامن في شئون الله وفي خلقه وتصويره
على الفطره انا عايش وسط لا غالب او مغلوب
رضيت بكل شي فيني وشكرت الله على خيره
أنا وآعوذ من كلمة أنا لي قلب يسوى قلوب
إذا يوزن مع أمثالك يساوي منكم ديره
نعم لي قلب من ُخلقه يحب يشوفني محبوب
وأحب أشوف له خلان تذكر طيبه وخيره
ولا انظر ابد للناس من أشكالهم وآذوب
أموت بطيبة الإنسان واذوب بُطهر تفكيره
فكونك إمرأه حلوه مايعني خاليه بلا عيوب
ولا يعني انك الأحلى ولا الأذكى ولا غيره
تقع لطيور ع الأشكال واقصد عقلاً او أسلوب
وانتي كبيرة في شكلك واسف في عقلك صغيره