يازبن كرب فوق مايطرد النوم

حراير يازبن مثل الاهله

مرباعهن مابين ظلم والاكموم

ومن السفايف يرمحن الاظله

ملفاك شيخ بالقسىآ يذبح الكوم

شيخ وشيخان القبايل تدله

تلقىآ محمد زبن من جاه مضيوم

زبن الذليل الي مخيف محله

والىآ لفيت الشيخ يازبن ملزوم

تعطيه مرسومي بواسطه سجله

وان كان جيت النضو يازبن ماسوم

رد الخبر والنضو يازبن خله

جانا من الشايب مكاتيب وعلوم

حي الكتاب الي لفا حشمه له

الشايب الي ينقل الكبر والزوم

باغي لحكمي مير انا عاصي له

الله يغشك يوم غشيتنا اليوم

تقرا الكتاب ولا تهاب المظله

جزاه من عندي من الخيل خثلوم

مثل البرد من مزنه مستهله

ان كان تذكر سابق لك من يوم

فرس عتيبي ورد شاهد له

انا برمحي باول الخيل ملحوم

ولا انت رمحك عند ساره تشله

اديت انا اربع قحص والخامس التوم

بقعود زبن الي بغي ماحصل له

لا والله الا روحو ربعنأ قوم

تنافضت من بينهم بالاجله

والحرب شب وشبشبه كل شغموم

من اشتبه مخ الفرنجي عصىآ له

اعرف ترىآ من طاح ماهوب مرحوم

اكود من رب الملا شافع له

شافي وجرمان غدوا باول القوم

خلو مطوعهم وانا شاهد له

خلو مطوعهم علىآ غوجه التوم

عزي لمن حط الرىآ مسند له

وانتم كمأ حوت علىآ الشط لاهوم

وحنأ الله خلقنا للواهيم عله

وانتم كما ضلع طويل ومزموم

وحنا خلقنا الله نجوم تهله

وانتم كما طير البحر ذاك ابا الحوم

وطير البحر مايذبحه غير ظله