من منطلق صح و خطأ و مبدأ تبي روح و تعال

و من زآوية طنش تعيش أيآمها و ليالها

يا ابن نجم ما للحمول الكايدات إلا الجمال

ود الحمول الكايدة يا ابن نجم تشتالها

آرث على عد الروى و اعنز على صم الجبال

مالي و مال قصارها مالي و مال طوالها

اذا انخفض وزن الذهب و إلا رخص سعر الريال

يآ كثر نآس لا نعبرها و لا نلجا لها

بس انت اعدك في الشدايد درع جمب و راس مال

لأنك ولد غالب دروب المرجلة و رجآلها

على العموم الوضع عادي بيننا و الشك زال

بعض السوالف عنك تكرم لحيتي و إسبالها

و أنا على فكرة من أمس يدور في بالي سؤال

ليش الرجال أصبح تفاخرها بروس أموالها !؟

و حكآمنا الستة كفو في كل وقت و كل حال

وشعوبنا جهالها في منزلة عقآلها !

لا قدر محمد ولد زآيد إليا جاله مجال

تدعي له أم(ن) مآ درت بإنه كفيل أطفالها

شخصيته عنها يطول الشرح و يزول الجدال

محمد أعجوبة .. و زآيد معجزة بلحالها !!

بالمختصر شي يقال و شي و الله ما يقال

لكن على الله اتكل و يحلها حلالها

يعيش جمهور النصر و يعيش جمهور الهلال

حتى لو الكورة ما هي منا و لا حنا لها

أحسن من نروح سويسرا و إلا نروح البرتغال

و إلا نسير لديرة البنغال مع بنغآلها

الشرق الأوسط في خطر و الغرب وضعه عال عال

و القدس له خمسين عآم و حآلته يرثى لها !

و بغداد مسرح للدمار و الجريمة و القتآل

عسى الله من الاعداء يحررها و يصلح حالها

و اللي يحبون الحرام و لا يحبون الحلال

حسيبهم من يجزي الحسنى بعشر أمثالها

لو من يقول يطول قالوا قبل ينام قال طال

لكن هذي غلطة الشآطر و ذي موآلها

و ميزات عصر العولمة تساوى البنات مع العيال

مآ نقص حقوق الولد و البنت ريح بآلها

كنا بعصر العولمة و صرنا بعصر افتح مجال

مآباقي إلا يشاركه فال الله و لا فالها

و ليه ضغطي مرتفع ؟ و انا سريع الانفعال ؟

من كثر ما شافت عيوني شي ما يحلى لها

كيف انبسط و اضحك و انا ضايق صدر مشغول بال

و أبسط حقوقي دلتي ما غير ينشرب فنجالها

و الشعر ديوآن العرب منذ القدم و لا يزال

يحكي عن امة عن مسيرتها و مجد أبطآلها

فعلا يا لجنة شاعر المليون ميزآن العدال

النآس ما تحكم عليها أصوآتها و أشكالها

و إن كآنها في الشعر انا في الشعر ما عندي إشكال

اسمع بحورك كلها من جآلها لجآلها

إما كتبته من عقل و إلا كتبته من هبال

هذي تراني عمها و هذي ترآني خآلها

و أنا ادري اني مآني بكآمل فلله الكمال

لكن شآعر ! و أتخير في البيوت جزآلها

يالعيطموس يآلفاتنة يآ أم الدلع يآ أم الدلال

النآر من شبابهآ و الخيل من خيآلهأ

يآ سارقة عين الصقر يا سارقة عنق الغزال

يآ سآرقة كل الوصوف , دقاقها و إجلالها

يآ دآرين قولي للجنة شاعر المليون عبدالله قال

الله يجمل حآلها و الله يطيب فآلهأ