تناديني باسم ثاني وتحلف زلة بلساني

وقلبي يحضن كذوبك عماه الحب صدقني

أحس إني غريبة عنك وقلبك هاجَر أوطاني

يا خوفي يصدق إحساسي وألاقي الحب ظالمني

أتوه بحيرة أفكاري وأضيع بغربة أحزاني

أدوّر في الملأ عيونك أناظرها وتصد عني

أناديك بشقا همي تروح بعيد وتنساني

وأقول بداخلي اصبر يا قلبي لا تلوعني

والين أقبلت مثل الحلم أقول الله يهواني

واسلي نفسي بأوهام إهي بالتالي تخدعني

أشوفك سارح بفكرك بعيد بعالمٍ ثاني

وقلبي حاير بأمرك واحساسه يعذبني

أنا من كثر ما احبك رسمت الكذبة بألواني

قدرت أكذب على نفسي وخاب اليوم بك ظني

حبيبي انت تحب غيري تفضل روح واجفاني

عرفت اليوم مقداري كفايا لا تعشمني

ولا في داعي تشرح لي وتحلف زلة بلساني

خلاص ارحل لها أرجوك .. لا توقف تطالعني