يا واثق الخطوه ترى منت بملك

ولا تظن شرواك يالخاين مليك

أنت منهو ما يعرفك يجهلك

ومن سمع هرجك نطق (لا فضّ فيك)

اهتويتك صادقٍِِِ من منهلك

واتضح لي عكس ما كنت أهتويك

كل أوصاف الخيانه والكلك

نابعه منّك وهي منّك وفيك

يا خساره خنت منهو دلّلك

ياخساره بعت قلبٍ مشتريك

كنت حتى في منامي أتخيّلك

وأرسمك صوره وورده تعتليك

كنت أسابق من يحاول ياصلك

وأخسر الغالي عشانك وأفتديك

كم لي أتحمّل وكم لي أمهلك

وكم لي أدعي ياعسى ربي يهديك

من عرف مصدر نجاته ماهلك

وراحتي فرقاك يرحم لي أبيك

وكان قصدك تنتظرني مخبلك

لأقطع رجولي ولا أفكر أجيك

وان نويت أجيك جيتك بسألك

كم قلبٍ خنت قبلي مرتجيك

وبعدها برضيك وأرجع وأزعلك

وأتركك مابين ذي وبين ذيك

الله أكبر يا مدارات الفلك

من بعد مرضيك صرت أقسى عليك

انتبه للفرق واذكر أولك

عافك الخاطر بعد ماهو يبيك

يا نهاية هالبدايه مسهلك

ابتديتك صعب وبالسهل أنتهيك

رح نسيتك وان لفيتك بسألك

بس ما والله تفرح بي واجيك