مع موسيقى هادئه والضوْ خافِت

(الدفاتر) رحّبت و(القاف) حيّا

والمشاعر مع سِما فكري تصافت

وأمطرت مزن القصايد في يديّا

والمحاني بغيبة رموشك تهافت

لو بخونك بالحروفْ الشعر عيّا

في غيابك صرت لك مليون (عافِت)

و(الملوّح) .. و(السديري) .. و(المحيّا)

كم سنينٍ من رصيد العمر طافت

وأنت أطيب أمنياتي ولا إتّهيّا !

شف طعونك في ضلوعي ماتعافَت

وشف زماني شْلون زاد النار كيّا

والعيون من الحزن وش كثر شافت

من ليالٍ تركز الأوجاع فيّا

والجروح اللي بقلبي ما تشافت

والخفوق اللي إشتهر بك مات حيّا

والهقاوي من ليال البعد خافت

ليت قلبي للمفارق .. بس تهيّا !

كان ماعيني لْ/ باقي البيض عافَت

دام ما تملك شعور ولا حميّا !!