كلّه في كوم ودخلتي للمقبرة

أحس كنّي بين الاموات ميْت

واقول في نفسي وحزني ماْكبره :

وش خانة الدنيا ومنها وش خذيت

قبرٍ يضيق بصاحبه يا مغبَرَه

وقبر ٍ توسّع واصبح لراعيه بيت

كلٍ يحاسب في طريق ٍ يعبره

والموت لا من حان ما تنفع [ ي ليت]

وما ينفَعَك شعر انكتب أو محبرة

و لا تنفَعَك صورة ولا شهرة وصيت

مَحْدٍ يفيد اسمك ولَحْد يْعَبّره

لا دقّت الساعة ونادوا لك وجيت :

وش جبت ياْبن آدم وكسرك نجبره؟

شاللي زرعته من عمل؟ خذ ما جنيت!

دوّر في ذاك الوقت خيرٍ تخْبره

ماتلقا غير الذنب يوم انّك عصيت

وآقف وقوف اللي حياته مُدبرة

بين القبور بلحظةٍ فيها دريت

إن الزمن عابر و حمله باْصبره

ولابد اسامح واعتذر كاني خطيت

ما يَعْرف [ الرّقّة ] مجافي مقبرة !!

ومايصحى قلبٍ ميّت الا قرب ميْت !!