صوت الهدوء انتي وانا صمت الازعاج

سلّمتني لله .. وبعد الله إيْديك

إن قلت مو محتاج .. يا بنت محتاج

وان قلت مافيني ..ترى فيّ مافيك

عندي أمل والدرب عاقد له احجاج

ولولا الأمل ماضاع عمري وانا اْرجيك

تعبت ادوّر عن شقا وقتي اخراج

لا شك ما بلقا ولاودّي اْشقيك

ياللي غصب عنّك بنا ظرفك اسياج

إن رحت هاتيني واذا رحتي اْخذيك

هذا الهوا لو فيه رحمة أو علاج

ماظن ينهيني وانا تو اْببديك

وماظن تخليني غريقٍ فالامواج

إمهمّلِ نفسي .. و همّي أهنّيك

لكن قدر مكتوب .. مامنّه افراج

حسبي عليه انك عيوني واناْ اهديك !

أوّااه لاحن الخفوق وعلي هاج

وكل الذي عندي له اهذي بطاريك

أحتار واتعذّب .. واعوّد للادراج

والحلم نفس الحلم إنّي بآلاقيك

محتاج لك .. محتاج .. محتاج .. محتاج

ياللي هدوءك مزعجٍ صمت .. مغليك