ماهو تغلي يوم صديت وابطيت

لاشك اساير خوف قلبي وخوفك

لاعاد تحزني وانا كل ماجيت

ماعاد اشوف الا ظلالك يحوفك

اصد حشمه وانت يوم انك صديت

مدري زعل ولا تردك ضروفك

كانه زعل فارجو السموحه وانا اخطيت

غير ادمح الزله واشوف معروفك

ترى الزعل طبعه يفرق هل البيت

اغنم زمانك قبل وقتك يلوفك

وكانك عن احبال الموده تخليت

شد الحبال وفرصتك لا تطوفك

ياشينها لاقفيتي انتي وانا اقفيت

اتبع شفوفي وانت تتبع شفوفك

وكانك تقول انك تعبت وتناسيت

عن حبنا لاوالله الا بجوفك

غلاي في قلبك وفي القلب دشيت

من دون تستأذن تنقش حروفك

وكانك تغلى فالغلى لوتماديت

خطرٍ على الزود ونقوصه يطوفك

تقول لي يامرحبا يوم دقيت

وانا مايكفيني عن الرد شوفك