كل عام وأنت العيد يا فرحة العيد

وكل عام وآنا يا حبيبي حبيبك

وكل عام وأنت تزيد حبّك ، وأنا أزيد

حبّي ، وأودي ما سواك ، وأجيبك

وكل عام وأنت تسيل فرح وتغاريد

وقلبي يا همّال السعادة ، شعيبك

وكل عام وأنت تحلّ بإطلالتك قيد

كبتي ، وتآخذني معاك لرحيبك

وكل عام وأنت تمدّ لإغفايتي إيد

صحوك ، وتغمرني بنبلك وطيبك

وكل عام أبشّر خافقي بالمواعيد

اللي يغذيها حلاك ورطيبك

وكل عام نبضاتي جموع ومفاريد

تآقف على باب الغلا تحتفي بك

وكل عام أنا أوّل طامعٍ فالتناهيد

منّك ، وبلسم ما جرحك ، وعطيبك

وكل عام أنا وياك غيث وجراهيد

أستقبلك ، وتضيع بي ، وأرتوي بك

وكل عام نجرح هيبة الحزن بالعيد

وتبقى حبيبي ، وآنا أبقى حبيبك