سامحيني.. لو قسا قلبي عليك

لو جرحتك ما ملا عيني سواك

عشت كل الحب والأمال فيك

لو هجرتك متعة الدنيا لقاك

ابتديتك يا حياتي وانتهيك

الله اللي يا بعد عمري عطاك

ما رضت دمعة عيوني تشتكيك

حتى جرحك صار غالي من غلاك

بس عيبك تحرجين اللي يبيك

يرتبط بك..لا فقدك ولا لقاك

لي متى وسنين عمري ترتجيك

لي متى والشوق يركض بي وراك

ليه اجدد وعد ضيعته يديك

مايبرر حبي الطاغي خطاك

اعذريني..ما منع قلبي يجيك

غير خوفي تصدميني في هواك