تصور..مارضت عين الرضا بعد الجفا تبكيك

تخاف الدمع يغسل صورتك وتغيب من عيني

حبيبي لورحل صوتك بعيش الحاضر بماضيك

صدى الذكرى ولا واقع يفرق بينك وبيني

احسب انك متى ماغبت عن عيني قدرت اجيك

تسرب كيف حلم العمر بين اصابع يديني

ولوضاع الرجابك يا رجايه مالي الاارجيك

تصور.. ماتصورها حياتي لو تخليني

ولوسيل سحاب الوقت نجمه وانطفت بيديك

حبيبي لا يسيل النور من عينك وتبكيني

مثل فرحة زهور الليل بالظلمى ابفرح فيك

سواد الليل بغيابك على حزني يواسيني

عرفت اموت لجل اعيش لعيونك واموت ابيك

تشوف الموت في حبك حبيبي كيف يحيني

امانه لا تظن اللي عطيته عاجزٍ يعطيك

وانا اللي في رجا ليلة رجوعك ضاعت سنيني

حبيبي لوتجاعيد الزمن خطّت وجه مغليك

انا عندي يقين اني مثل مااغليك تغليني