حبيبي لا تذكرني كفاك الجرح تذكيري

انا الغلطان ساعدني اكفر غلطة ايامي

حبيبي لو ابرر ما عذرني فيك تبريري

وياليتك تعذبني ولا تسلبني احلامي

احبك.. لو خطاي اكبر من اعذاري وتفسيري

احبك .. والوفي مثل الوفا في غايته سامي

حبيبي ما أخونك لو يخونك يوم .. تعبيري

كتبك القلب بحروف الغرام وجفّت اقلامي

حبيبي والحزن في غربتك يرسم تعابيري

متى ترضى على اللي غارق بحبك وهو ظامي

بخطوات الندم جيت اعتذر يا اغلى مشاويري

ورغم كل الألم والله ما حسيت بآلامي

احبك ياالبعيد.. الا عن احساسي وتفكيري

واحس انك علي بعيد حتى وانت قدامي