وش الجديد ان غبت باكر وغبتي

مشوارنا رغم الغلا كله غياب

مهما تباعدتي ومهما قربتي

اغراب درب ونلتقي مثل الاغراب

يكذب عليك الوصل لو ما كذبتي

وشلون نحيا الحلم والوقت كذاب

نادتلك ايام الوفا واستجبتي

وين الرحيل وصوت الاشواق غلاب

ما تذبلين .. انتي بدمي نبتي

واوراقك الخضراء نمت بين الاهداب

اقراك نور وفالعيون انكتبتي

وبين الزمان وبيننا كلمة عتاب

عرفت معني البعد من يوم غبتي

ومعك عرفت ان الهوى كله غياب