بكا السحاب فراق الاحباب لاعاد

دمع السما جرّح خدود الليالي

والحزن كحّل ناظر الوقت بحداد

واخذ يعزيني شعورٍ بقالي

البعد موت اللي على الوصل معتاد

قسوة عذابه فوق كل احتمالي

البعد موت الود لو بعده وداد

كل الوجيه تذوب في وجه غالي

ابنتظر في موطن الحزن ميعاد

واحلم ولو بعض الاماني تسالي

عمري معه ما ضاع عمري معه زاد

ما يدري انه في خيالي خيالي

ما للهوى عندي نهايه وميلاد

نبض الحياه الحب روح الليالي