نسيتي من نسا الدنيا .. ولكن ماقدر ينساك

ولو نفرض نسيتيني .. شعوري كيف تنسينه

قسيتي قسوة ايامي وباخر قسوتك فرقاك

ومحبوبك ولا حتى على فقدك تواسينه

نساك وقرر الفرقا .. ولكنه نسا يجفاك

يغيب ولا يغيب الحب من قلبه ومن عينه

جروح الحب تبكيني وجرحي منك ما بكاك

وحتى الحزن يبكي منك ما ظنيت تبكينه

عزاي ان النخيل الشامخه ما تنحني لرضاك

تظللك المشاعر والثمر يرجم وتجنينه

عزاي ان العطا يرسم معاني فرحتي بشفاك

وكنك لاخذتيني من فؤادي حب .. تعطينه

عزاي ان الليالي في لياليها سرت مسراك

يضيع العمر من عمري ولطلب منك توفينه

عزاي الشمس لو تشرق مشاعرها زهت ظلماك

عزاي ان الشعور اكبر يطولك .. ما تطولينه

ولو حبوا وحبيبتي وعاش الحب في دنياك

على فكره ..مثل حبي محال انك تعيشينه

ذكرتي كل شي .. الا حبيب ما نسا ذكراك

ولو فعلاً نسيتي .. ما بقا شيٍ تعرفينه