أعتذر .. للحزن يا روعة اعذاره

واعتذر لو يظلم الكون يا نوره

اعتذر .. للحب لو طال مشواره

وادري ان جروحه تعيش مغفوره

اعتذر لك عن لهب صدرك وناره

عن خطايا الناس والدهر وشروره

كثر ما ليل الوفا يحفظ اسراره

وكثر صوت الشوق ما ينصر شعوره

من خفوقٍ يسري الود باخباره

صوت شاعر تأسره روعة الصوره

كيف اصور حيرة الطرف واصراره

والدموع بناظر الحسن مغروره

كل جرحٍ عذبك فيني آثاره

في حروفي آهة الحب مقهوره

ادري ان السجن ما تصرخ اسواره

كل فرحه في ثرى الحزن مقبوره

كيف روض الشوق ما تنبت اشجاره

كيف تصبح ديرة الود مهجوره

كل ليلٍ اخره يسدل استاره

ويترقب اوله موعد حضوره

الشقا لو صاحب العمر باسفاره

تحلم الأحلام بوعود مسروره

أعتذر.. للعذر يا روعة اعذاره

واعتذر لو يظلم الكون يا نوره