كتبت إميّة قصيده عقبها ألّفت لي ديوان

لها تسعه وتسعين ووحده قلتها فامي

وجتني عقبها زعلانة وتقول ياخوّان

تحط اشعار في غيري وانا اللي ناشف دمي ؟

وانا اقول اتركي مني المشاكل واللّعني الشيطان

ليا منّه طرالك استعيذي منّه وسمّي

ماغير امي كتبت الها قصيده وابغي الإحسان

ولا كفّاك كل اللي كتبته ياكبر همّي

وقالت لي انا ابدالك من امّك وانت بي كسبان

كفايه من عرفّتك معّترف في خالي وعمي

حبيبي انت لي بروحي ولا يشاركني اي انسان

ولو آمر على قلبك تقول إتفضلي سمّي

كفايه ماأبي اسمع قصيدك واعذب الأوزان

خلاص اكتب عن اللي يعّجبك لا تلتفت يمّي

وانا حاولت افهّمها وقالت زين ياحميدان

اذا ماشوف لك صرفه انا مانيب بنت امي ؟