جمعنا الشجن ، وارتبكت قلوب وارواح

بعد ما إلتقينا في سهر ، وارتبكنا

وقالت ياليت ابكي عسى القلب يرتاح

مادام البكا بشفاهنا.. لو ضحكنا

وقالت لهيب الحزن طاغي ، وفضَّاح

واخاف الحزن هو عمرنا اللي سلكنا !

وقلت البكا اللي يريحنا ماهو نواح

ولا هو بدمعٍ من ورا الجفن يكنا !

ولكنه الكلمه بلا خوف ذبَّاح

وحنَّا انذبحنا بالسكوت ،وهلكنا !

وحزني و حزنك ماهو من قِّل الإفراح

ولكن فداحة وعينا هو فلكنا !

وانا من بقى في رحلته مثل ماراح

وها للي اخذنا يشبه اللي تركنا !

ولا اقول خاويني ولو نصف مرواح

ولا قلت وش رايك لو إنَّا اشتركنا !