المسافات رحلة حب مجهولة

وكل لحظه عطور ينمّ عن حاله

ألف كيلو بدرب ٍما درى طوله

إنه أقصر من الصبر الذي شاله

وما درى من قطعها و المطر حوله

مع مطر وسط روحه أنه لحاله

إلا من قبلة أسفاره و مأموله

من بقت طول عمره غاية آماله

و الهواجيس تكتب شعر و تقوله

للعروق و فؤاد المغرم الواله

جيت لك يا ملاك الروح منوله

وكّن فكري سماء و أنتِ على باله

كّن نبضات قلبي منك معموله

و الشرايين لك بالشوق مكتاله

جيت و الروح لك واحات مأهوله

من بلابل تغني فيك مختاله

و صدري مضمار لهفاتي هي خيوله

بك نواصيهن منعقدة و خيّاله

مرحبا فيك كثر الورد بحقوله

و كثر ما نور جدة بحرها ساله

أنتِ يا من بحكم السحر مسؤولة

لو وعى بك حكم سباء سبى حاله

لي عيونك أماني ما هي معقولة

إلا لو هالوجود يموت عقّاله

عاد لو قلت وجهك ما بقت دولة

ما اتفق شعبها إلا على هباله

لو هو من حبي لك يوخذ ربع تولة

جاء غلا ماء عيوني ربع مثقاله