تقول: وش فيك في ممشاك متعثّر

تدري و تبغي أقول و جيت تسألني

بسّك دلع خفّ عليّ شوي لا تكثّر

كثر الدلع ياحلو منك يبهدلني

من سهم زينك تراني حيل متأثّر

عشقك طغى في خفوقي لين كبّلني

وجناتك اللي عليها الورد متنثّر

من وين أقدر أطول ورودها؟دلني

و الشعر الاسود على الاكتاف متبعثر

يشبه بك الليل يسحرني و يذهلني

من شوقي لشوفتك آهيم و اثرثر

آطير من فرحتي و انته مجابلني

يا معجزة بالجمال و بالدلع نثّر

همساتك بصوتك المعسول و اشعلني

و لا شفتني دوم في ملقاك متعثّر

الله يخلي حلاك اللي مزلزلني

بسّك دلع خفّ عليّ شوي لا تكثّر

كثر الدلع منْك يا الغالي يبهدلني