حاربوني و انا هذا مساري

بالمبادي تعليت بجداره

لازم ارقص عشان اصبح حضاري ؟!

لعنبوها حضاره هالحضاره

الحضاره بمفهوم انحداري

هو طويل ٍ وانا صغت اختصاره

اشرب الخمر باحضان الجواري

بالمراقص و باوكار الدعاره !

غرقونا هل ( الفكر التجاري )

حتى الاجساد خلوها ( تجاره )

و الجسد لا غدا أبيض و عاري

صارت ( المطربه ) رمز ومناره !

أسمى الاخلاق ما تصنع وقاري

صار الانسان بفلوسه وقاره

وان حمل بانحطاطه ألف طاري

بالمظاهر مكانه بالصداره !

وش أبشرح واعالج وش بداري

و المح الدين منكم في انكساره

مسلمين بأساميكم و داري

اليهودي قدر يفرض خياره

وذا خياري و من يرضى بخياري

أشهد انه بيظفر بانتصاره

من يبي يصبح بعمره حضاري

المبادي طريقه للحضاره