مابين محمد وبين فواز ( نواف )

الله يعينك واصل الله يعينك

ياشبل ذو الجدين والعز ينشاف

من نظرة عيونك لضحكة جبينك

( ياحر ) واصل بالفخر سيرة أشراف

واصل على ماخلفوا ( والديّنك )

بين السديري وأبن شعلان في كاف

مراقب عز وياصلّنه يدينك

أنت الشبل ( نواف ) في درب الاسلاف

أمجاد جدك ( سيف مجد ) بيمينك

شيخٍ ولد شيخٍ بنخوه وميقاف

يفرح بك اللي قال بالضيق وينك ؟

أن قلت أبن شعلان ( واثق ) ولا أخاف

أقصى العرب بالمرجله عارفيّنك

يشهد لك التاريخ في كل الاعراف

غصباً على اللي بالوفا حاسدينك

عن وصف تاريخ الفخر يعجز القاف

يامعّرب الجدين دامت سنينك

علمك بذكر الطيب ياعزوتي ( ناف )

كنك عقدت الحلف بينه وبينك

مابين هذا وذاك : والحق بأنصاف

ياشبل من ذاك الاسد خابرينك

لك في دروب الطيب سيره وميقاف

وربي على مشوار دربك يعينك

نواف يانواف ( ياشيخ ) نواف

عزوة هل العليا سندك ويمينك