كلامك منطقي جداً تحسبين المسائل صح

ذكائك خارق يساوي بلد كامل بسكانه

بوقت الجد جديّه عسل لامن جلست امزح

انوثه طاغيه لامن همستي يوه طفشانه

وضعتي لي تجارب حب لكن دائماً انجح

لاني مغرم بحبك وقلبك يا اعذب انسانه

اجي مرات ابشرح لك واضيّع كيف لك باشرح

الى منك خجلتي قلتي استأذنك نعسانه

شفافيه ورقه وابتسامه هادئه تذبح

دلع يذبح دلعك اللي ينسّي قلبي احزانه

احس بصوتك المجنون بلبل فالفضا يصدح

قصايد شعر كلماتك تعسف الشعر باوزانه

افكر فيك كل الوقت تفكيري كذا يجنح

واقول ان المحبه دون شوفك مالها خانه

متى بس الظروف اللي تفرّق بيننا تسمح

واشوفك ياربيع العمر ياغيثه وهتانه