وشلون أنام وكيف بيجيني النوم

وأنا لصوتك يامنى الروح ضامي

نمتي وصار الليل ونجومه خصوم

لاتشغلي بالك بهمي ونامي

نامي وخلي لي جفن غارق هموم

يكفيني أسهر لك ياكل إهتمامي

البارحة صارت بعد نومك علوم

لعبت أنا والشوق شرطي وحرامي

أقوم وأجلس وإن جلست أرجع أقوم

والله مو مني ذبحني هيامي

طيفك قبالي جالس يدور ويحوم

حاولت أضمه ما أسعفتني عظامي

من يوم شفتك وألمح الخصر مبروم

طاحت بي عزوم وتغير نظامي

كلي على بعضي تغيرت معلوم

ثقافتي شكلي قصيدي كلامي

يا إني قبل ألقاك من جد محروم

ليتي عرفتك قبل ساعة فطامي

كل الصبايا كوم بس ضحكتك كوم

فديت روحك ياهواي وغرامي

على العموم الله يهنيك بالنوم

خلي السهر لعيون خلك ونامي

نامي جعل يومي قبل يومك بيوم

وأنا بواصل لين أروح لدوامي