القلوب مسكرة والناس ماحسوا بي

والوجيه الزايفة ماتستحق الجية

والوداع اللي تحضن ضيقتي وكروبي

مادرى بأن النفوس الطيبة مبلية

ياعسى ذاك الرفيق اللي يضد أسلوبي

يكتشف سم الكلام اللي من أفم الحية

صابني ماصابني من صوب ماهو صوبي

صوب دون ٍ للدِنا يدني على رجلية

كل حرف ٍ مسني من هرجته محسوبي

ماتنازل عن حقوق من الكرامة ليّه

والله إن يندم على وضع الحصى بدروبي

والعلوم اللي تبين لي ردى ماضية

يوم كان أول رخيص من الذي طاحوا بي

بعد ماذاقوا مذاق الميته والحية

أصطنع شكل الصديق/ الطيب / المحبوبي

واستمال صويحبي بأحزانه الشخصية

وحل قيد ٍ من ثمان سنيننا مكروبي

حسبي الخالق عليه ومن تقبل غية

الوجع مامل من كبدي وحرق جنوبي

والوداع إحتل من حزني طريق السية

ومالقيت من القهر غير أبتدي مكتوبي

عل ذيك النفس تفهم جملة ٍ مخفية

يانفوس الطيب توبي عن رداهم توبي

النفوس الزايفة ماتستحق الجيه