ودي أقول حكاية الناس والبير

وكيف إتعبوا لأجل إيتهنون بالمي

وودي أشبهها بنفسي وأنا آغير

وأفهمك كيف السحب تقتل الضي

( ودي ) وخايف يسمعن العصافير

وتقوم وتصحي معاها هل الحي

نم يا قمر دنياي تصبح على خير

خل النهار يحس بإنه بقى حي

كل يوم أحبك غير والبارحة غير

بديت أحس إن الخلايق ولا شي

إفرح إذا طالت علينا المشاوير

يمكن يزيد الشوق في داخلي شوي

مدام حبك قسمتي بالمقادير

بأصبر وكن حر القوايل معك في

والله أحس ان لي جناحين وآطير

لامن ذكرت إنك ذخرت الغلا لي

خلك وسط قلبي لو يصير مايصير

كل الخلايق في وجودك ولا شي