ألمح أوراقي البيضاء وأقرّبها

وأكتب اللي يبي يطري على بالي

الحناجر كلامي ما يتعبها

جعلها ما تقول إلا من الحالي

دلّت النفس ما توفي مطالبها

يوم حان الزمان اللي تهيا لي

بين ناس ٍ رفيعات ٍ مناصبها

عندنا والمناصب طيب الأفعالي

ليلة ٍ سعد من مثلي يفوز إبها

في كرامة عريب الجد والخالي

هاجري والهواجر حي شاربها

أصغر القوم فيها تحسبه والي

حسبت ٍ عند أبوبراك حاسبها

طيبه اللي فرضه وقدره الغالي

يا رفيقي قصيدة فيك كاتبها

والله إنه شرف لي يا بعد حالي

قرت عيون أهلك بشوف غايبها

وأسعد الله مساك بشوف العيالي

فرحتك فرحة الناس بحبايبها

وإنت عالي بعين اللي بعد عالي

فرحة ٍ ما وصفها حبر كاتبها

علها توصف اللي شاغل ٍ بالي

إلى تركي الهاجري