الا ياصغير السن تبطي تجيب الراس

هذا راسي اعرفه مايتبع مخاييلك

عنيدٍ ومتربّي على العز والنوماس

انا اقطعلك ذراعي اذا فكّر ايجييلك

غرامك ماينفعني ولايرضي الاحساس

تراجع ولا تتبع ركابك ولا خييلك

انا كل ماقلت ابتعد ؟ قلتلي لاباس ؟

تقول الهوى غلاب واقول يحلييلك

انا عشقتي صعبه على طابخين الفاس

وقلبي نداويٍ مايطلع على جييلك

ياشرّابة الكوكتيل لاتقرب المحماس

مايشفي عوار الراس بنّك ولاهيلك

لو تسوّي ماتسوّي تراني قوي الباس

وحتيّش لو تلبس بناطيل ماجيلك ؟

ترى مايجيب الراس الا عباة الراس

ابنصحك يالغالي توفر بناطيلك

واظن الصراحه ماتزعّلك ياحساس

لا تطبخلي القهوى وتملا فناجيلك

مدام انّي منيشن على قمة النبراس

انا وش لي ابصبحك وانا وش لي بليلك

لو الزير في وقته رضى عن خطا جساس

لايخطر على بالك اصوّت وانا دييلك

توكل على ربك وفارقني يبن الناس ؟

ولاتكرّر الجيّه واذا جيت ياوييلك