خذني ولو شنطة سفر في يمينك

أخاف أضيع بغيبتك لا الجفا طال

خذني وخليني كحل طرف عينك

أو بسمة في شفتك يا هوى البال

خذني ولو شمعة أمل في سنينك

كلي أمل تلقى معي طيب الفال

خذني ولو دمعة فرح في حنينك

وإلا حزن دمع الحزن حارق إن سال

آه الحزن ليه الحزن ما يدينك

كنك وكنه في معاناتي أبطال

تكفى تعب قلبي يناديك وينك

صوتي ذبل تكفى كفاني من أهوال

إلا الغاياب الله لا لا يهينك

أموت وألقى معك للوصل مدخال

وإلا خلاص ارحل عسى الله يعينك

لا شلت ذنبي ان غدى الحب قتال

بموت خضب من دمي راحتينك

يزول دمي والهوى فيه ما زال