ما احبك لا ولا يومٍ هويتك

شوف قلبي ذايبٍ بين المحاني

ماهو من الحب لكن لا طريتك

يفرق العداد في عد الثواني

ماهو من الحب لكن قول جيتك

تل قلبي تل لآمنه نخاني

من خفوقي نصفه الأيمن عطيتك

نصفه الأيسر عشانك مو عشاني

قلت بيتي والدرب دربك وبيتك

من هذاك الحين ودروبي تعاني

ما احبك والدليل إني نسيتك

هايمٍ في كل ركنٍ من كياني

لايغرك يوم أقول إني فديتك

أجودي وداعي الفزعة دعاني

شفت قلبك تايهٍ جيت وهديتك

للمواني آه ياحزن المواني

كن موج البحر دمعي لا نصيتك

غارقٍ به يوم مجدافي عصاني

دمع لكن كيف دامي ما بكيتك

يمكن إن البحر من حزنه بكاني

شوفني واقف بعز ولاأحتريتك

في مكاني وإن تهاوالك مكاني

ياجبل راسي أموت ولا حنيتك

والله إن الموت أهون من هواني