قالوا: تغلى ومن تغلى تخلى

قلت العذر يا حاسدي وش عليه

دامه بعيد بذِكره أنا تِسلى

من كان غايب لا ملامه عليه

قالوا: نسيك وقلت حاشى وكلا

لا ما يجافي مَن مِن الناس يغليه

قالوا تودّه؟ هو من الود أغلى

كله يجنن في صدوده وتغلّيه

قالوا بعيد وقلت طيفه تجلى

دومنٍ معي في حاضره وماضيه

قالوا تحبه ؟ قلت مقداره أعلى

كلمه قليله وأبد ما توفيه

يا عاذليني لا تظنون أسلى

أنا لا سليته العمر كيف أقضيه

قولوا نسيني قولوا جفاك وتغلا

حتى إن نسيني والله ما ني بناسيه