تضحك تقول أموت بك لاقلت كلمة (هالشّكل)

ياحلْوَها لاقلتها.. وإلا احنا / كلمتنا (كذا)

يابنت.. جوزي عن سواليف اللكاعه والهبل

وإلا انتي ما والله وراك إلا المشاكل والأذا

ما كل شي تشتهينه.. تحسبينه ينوكل

قولي هو اللي سابقك بالدرب هذا..وش خذا؟

بس اتركي عنّك علاقات الصياعه والغزل

وإن أشَْكلَتْ لك هالشّكل ! روحي اقلبيها هكذا

مانيب أنا اللي يجذبه مدحك وترتيب الجمل

اخذي الحكي من قاصره: لو تبعدي... ياحبذا

مدري؟؟ و لك فتره تبين تكلمين بأي شكل !

نوعيتك (متعوده .. دايما ً) تحب هذا.. و ذا

يالعنبوا اسلوبك صراحه ما يجاريه الخبل

ولا يدوس الشوك غير اللي على دربه حذا

يمكن أفكّر أعشقك.. إذا بقيت بلا عقل

بس احتريني/ واحتري متى تجي كلمة إذا

والله يا إن البنت روعتها بحياها والخجل

والموت لا بيّن خجلها.. شفتها ورد وشذا

هذي قصيده قلتها من زود قهري في عجل

ولا بعد ودّي تطول السالفه أكثر ... لذا :

والله تراني ماهضمتك .. بس / كيفي / هالشكل

وإن مافهمتي هالشكل .. ترى بلهجتكم كذا !