نواف ياخوي اتصل

فرقاك خلتني امغبون !

أفرح برقمك لاوصل

وان غاب خيّمني سكون !

يابو شهد .. آمر وقل

قول وعلى خيّك تمون

ماصابني منّك ملل

ولاطرت لي هالظنون !

ياكيف ابزعل منْك أجل

وانا حياتي لك تهون؟

ياخوي بس لاتنشغل

آمر وتفداك العيون

إنت الذي كم ليل حل

تسهر وتفضحك الجفون !

كم شلت عنّا من حمل

كمّ احملت ذيك المتون؟

ياذخرنا وقت الثقل

لاصار به من يبعدون !

مثلك فلا عمره زعل

تدمح خطايانا بهون

كبير من صغرك تقل

مولود للعليا تكون !

يفداك كلي ياجعل

ماذوق يومك يا الحنون

والحين بشّر وش حصل؟

دام اللي مثلك يرتقون

كيف الدراسه يابطل

قلي عسى ماتتعبون !

وانا اطلب أعدل من عدل

بعد التعب ماتخسرون

بس انت ياخوي اتصل

وآمر وتفداك العيون

واللي على اخوانه بخل

يا الله أبد لا يكثرون !