تدري المصيبه يا(محمد) وين لا منّك هويت؟؟

إنك تطيح بيدّ وحده ب(التحايل) ماهره !

وانت بغبائك.. أو.. صفا قلبك.. وسمّه مابغيت

تِقبل من أقصاااااك لمحبّتها ب (نيّه) طاهره

تخلص من أوّلها وتصدق في كلامك .. مادريت

إن [الخيانه] صايره في مجتمعنا ظااااهره !

وتشتاق/ وتحنّ / وتغار/ وتعشق/ .. بمعنى بديت

تقضي معاها الليل هيمااااان وعيونك ساهره

وتمرّك الأيام من عمرك قصايد .. لا رقيت

في حلمك اللي ضمّ لك مقبل سنين زاهره

وتغيب عنْك .. وتعتذر عنْها .. وإذا ضقت وشكيت

" أتفه " عذر منها تشوفه في ظروفه قاهره !

ورغم الجفا .. رغم التغلّي .. والعناد اللي لقيت

واحساس يطغي بإنّها في حبها متظاهره !

لكنّك تعيش المحبه في "سذاجه" .. مارضيت

كل مانبض بك عرق شكّ صاح قلبك ناهره

وتبقى تمارس طيبتك .. تعطي .. ولاحاجه خذيت !

مالك ف واقع عشقها إلا الأمور الظاهره

وآخر مطافك تكتشف – سخافتك يومك وفيت

لامن عرفت إن الحبيبه.. تطلع أكبر ( .... ) ! !