زارع الفتنه بدار المسلمين

لو يبرر غلطته ماله براة

لويجينا من يسار ومن يمين

نعرف الباغي وتحريض البغاة

ما جهلنا راعي الحقد الدفين

الموصي جنب نقّال الوصاة

ما يقر الشرع عبث العابثين

والأمانه والأمن روح الحياة

رافعين الدين بين الامتين

بالعداله والعدل في الموجبات

والقضا في وجه مقبلة السنين

احفظو عد الليال المقبلات

والملوك العادله دنيا ودين

حكمهم بالعدل واحكام القضاة

منهج ٍ يثني عليه العالمين

شرعه التوحيد وإقام الصلاة

في رجا الله رابط التقوى متين

ضد من نادا على الدار الغزاة

دار من شرّع رياض الصالحين

في صلاح الشعب والدين الثبات

وبالسياسه حصّن الدار الحصين

بعد ما وحد بها قوم ٍ شتات

الصلاح اللي بروس المصلحين

الرخا والأمن والدين الغناة

نصرة الاسلام والحق المبين

خادم البيتين وعضوده حماة

والأمن في مقضب الكف الأمين

وامننا حقق كبير المعجزات

ضيّق خناقه على اللي هاربين

وسلمو واستسلمو كل الطغاة

ما نساوم في بلدنا ملحدين

ندري ان العود ما يكسر حصاة